Select Page

ᐃᓪᓗᖃᖅᑎᑦᑎᓂᕐᒧᑦ ᐱᓕᕆᐊᖅ ᐃᓄᓐᓄᑦ ᐊᕐᓇᓄᑦ ᐊᒻᒪ ᓱᕈᓯᕐᓄᑦ

ᐃᓄᐃᑦ ᐊᕐᓇᖏᑦ, ᓱᕈᓯᖏᑦ ᐊᒻᒪᓗ 2SLGBTQIAA+ ᐃᓅᖃᑎᒋᑦ ᐊᑐᕆᐊᖃᖃᑦᑕᕐᒪᑕ ᐊᔾᔨᐅᖏᑦᑐᓂᒃ ᐱᓕᕆᓇᓱᒋᐋᖃᓕᕐᓗᑎᒃ ᐊᒻᒪᓗ ᐊᐳᖅᑕᕈᑏᑦ ᐃᒡᓗᖃᒃᑎᑦᑎᒍᑎᓄᑦ. ᑕᐃᒃᑯᓄᖓ ᐊᑐᖃᑦᑕᖅᑐᓄᑦ ᓇᓪᓕᐊᖑᒃᐸᑕ-ᑐᙵᕕᒋᓗᒋᑦ ᐋᓐᓂᖅᓯᖅᑕᐅᕙᒃᑐᑦ, ᓇᔪᒐᒃᓴᒥᒃ ᐱᔭᒃᓴᐅᑎᑦᑎᔪᖃᒃᐳᖅ ᓯᕗᓪᓕᕐᒥᒃ ᐊᓪᓗᕆᐊᓕᕐᓗᓂ ᐋᖅᑭᒃᓱᑦᑎᐊᒃᑲᓐᓂᕋᓱᐋᓕᕐᓗᒍ ᐃᓅᓯᕆᔭᓂ ᐊᒻᒪᓗ ᓴᐳᒻᒥᔭᐅᓗᑎᒃ ᐋᓐᓂᖅᓯᖅᑕᐅᖃᑦᑕᑲᓐᓂᕐᓂᕐᒥᒃ. 

ᓇᔪᒐᒃᓴᐅᑎᑕᐅᔪᒥᒃ ᐱᒋᐊᖅᑎᑦᑎᓂᖅ ᓯᕗᓕᖅᑕᐅᕗᖅ ᑲᓇᑕᒥ ᐃᒡᓗᑖᕈᑎᓕᕆᔨᒃᑯᓐᓂᒃ ᐃᒡᓗᓕᕆᔨᕐᔪᐊᒃᑯᓐᓂᓪᓗ (CMHC) ᐊᒻᒪᓗ ᓄᓇᖃᖅᑳᒃᓯᒪᔪᓄᑦ ᐱᔨᔅᓯᕈᑎᓂᒃ ᑲᓇᑕᒥ (ISC). ᑲᓇᑕᒥ ᐃᒡᓗᑖᕈᑎᓕᕆᔨᒃᑯᑦ ᐃᒡᓗᓕᕆᔨᕐᔪᐊᒃᑯᓪᓗ (CMHC) ᐱᔭᐅᑎᑦᑎᓂᐋᖅᐳᑦ ᐃᓱᒪᒋᔪᓐᓇᐃᖅᑕᐅᒍᓐᓇᕐᓗᑎᒃ ᐊᑐᖅᑐᐋᖅᑎᑦᑎᒍᑎᓂᒃ ᑎᑭᐅᒪᓗᒋᑦ 100% ᐳᓴᓐᑎᓄᑦ ᑲᑎᓪᓗᒋᑦ ᐱᒍᓐᓇᖅᑎᑕᐅᔪᓄᑦ ᐊᑭᖏᓐᓄᑦ ᐃᒡᓗᓕᐋᖑᑎᓪᓗᒍ/ᓴᓇᒋᐋᖅᑕᐅᑎᓪᓗᒍ ᓄᑖᑦ ᓇᔪᒐᐅᑎᑕᐅᒐᔭᖅᑐᑦ. ᓄᓇᖃᖅᑳᒃᓯᒪᔪᓄᑦ ᐱᔨᔅᓯᕈᑎᑦ ᑲᓇᑕᒥ (ISC) ᐱᔭᐅᑎᑦᑎᓂᐋᕐᒥᔪᑦ ᑮᓇᐅᔭᖃᒃᑎᑦᑎᒍᑎᓂᒃ ᐃᑲᔪᕈᑕᐅᓗᑎᒃ ᐊᐅᓚᔾᔪᑎᖏᑕ ᐊᑭᖏᓐᓄᑦ ᑕᐃᒫᖑᒋᐊᖃᓂᖏᑦ ᒪᓕᓪᓗᒋᑦ. 

ᐸᐅᒃᑑᑎᑦ ᐃᓄᐃᑦ ᐊᕐᒃᓇᖏᑦ ᑲᓇᑕᒥ ᐅᖃᐅᔾᔨᓯᒪᔪᑐᖃᐅᓕᕋᓗᐋᕐᒪᑕ ᒐᕙᒪᑐᖃᒃᑯᑦ ᒐᕙᒪᖏᑦ ᑐᐊᕕᕐᓇᖅᑐᒥᒃ ᐱᔭᐅᑎᑦᑎᖁᔭᐅᓪᓗᑎᒃ ᓇᔪᖅᑕᐅᖃᑦᑕᕐᓂᐊᖅᑐᓂᒃ ᐃᓄᐃᑦ ᐊᕐᓇᖏᓐᓄᑦ. 2020-ᒥ ᐸᐅᒃᑑᑎᒃᑯᑦ ᐱᒍᒪᓚᐅᕐᒪᑕ $20 ᒥᓕᐊᓂᒃ ᐱᓕᕆᒍᑎᒋᓂᐊᕐᓗᒋᑦ ᑐᕌᕐᓗᑎᒃ ᐃᒡᓗᖁᑎᓕᐅᓂᐋᕐᓗᑎᒃ ᓇᔪᖅᑕᐅᖃᑦᑕᕐᓂᐋᖅᑐᓂᒃ ᐊᒻᒪᓗ ᐊᐃᑉᐹᓂ-ᐋᖅᑭᒃᐸᓪᓕᐊᓂᕐᒥ ᐋᖅᑭᒃᐸᓪᓕᐊᕕᐅᓂᐊᖅᑐᓂᒃ ᐃᒡᓗᖃᒃᑎᑦᑎᒍᑕᐅᓂᐋᖅᑐᓂᒃ ᑕᐅᕙᓂ ᐃᓄᐃ ᓄᓇᖓᑦᓂ ᐊᒻᒪᓗ ᐋᑐᕚᒥ ᐃᓄᐃ ᐊᕐᓇᖏᓐᓄᑦ ᐊᒻᒪᓗ ᕿᑐᖓᖏᓐᓄᑦ ᕿᒫᕕᐅᒍᓐᓇᖅᑐᓂᒃ ᐋᓐᓂᖅᓯᖅᑕᐅᓂᕐᒥᒃ ᑕᐃᔅᓱᒪᓂ 2020 ᐊᕐᕌᒍᑕᒪᑦ ᑕᒪᐃᑎᒍ ᑲᑎᒪᕕᒡᔪᐊᕐᓂᕐᒥ. ᔭᓐᓄᐊᕆ 2021-ᒥ, ᒪᓕᒐᓕᐅᖅᑎ ᒪᖅ ᒥᓗᕐ, ᒥᓂᔅᑕ ᓄᓇᖃᖅᑳᒃᓯᒪᔪᓄᑦ ᐱᔨᔅᓯᕈᑎᓂ, ᐃᓚᒋᓪᓗᓂᐅᒃ ᒪᓕᒐᓕᐅᖅᑎ ᐊᕼᒥᑦ ᕼᔅᓯᓐ, ᒥᓂᔅᑕ ᐃᓚᒌᓂ, ᓱᕈᓯᕐᓂ, ᐊᒪᓗ ᐃᓅᖃᑎᒋᓂ ᐱᕙᓪᓕᐊᑎᑦᑎᓂᕐᒧᑦ, ᐱᓕᕆᒍᒪᓕᓚᐅᕐᒪᑎᒃ ᑮᓇᐅᔭᖃᒃᑎᑦᑎᒍᒪᓪᓗᑎᒃ ᐃᒡᓗᓕᐋᖑᔪᓂᒃ ᐊᒻᒪᓗ ᐊᐅᓚᔾᔪᑎᖏᓐᓂᒃ ᓇᔪᖅᑕᐅᖃᑦᑕᕋᔭᖅᑐᑦ ᐃᓄᐃᑦ ᐊᕐᓇᖏᓐᓄᑦ ᐊᒻᒪᓗ ᕿᑐᙵᖏᓐᓄᑦ ᐃᓘᓐᓇᓕᒫᖓᓂ ᐃᓄᐃᑦ ᓄᓇᖓᑦᓂ ᐃᓚᒋᔭᐅᓗᑎᒃ ᓄᓇᓕᓐᓂ ᐅᐸᖃᑦᑕᒐᐅᒐᔭᖅᑐᓂᒃ. ᑮᓇᐅᔭᖃᒃᑎᑦᑎᒍᑎ ᓄᑖᓄᑦ ᐃᓄᐃᑦ ᑕᐃᒃᑯᓄᖓᓪᓗᐊᖅ ᓇᔪᒐᐅᒐᔭᖅᑐᓄᑦ ᐃᓚᒋᔭᐅᒻᒪᑦ ᑕᒪᐃᑎᒍᑦ ᐋᓐᓂᖅᓯᖅᑕᐅᔪᖃᒃᑎᑦᑎᑕᐃᓕᒪᓂᕐᒧᑦ ᐱᓕᕆᒋᐊᕈᑎᒃᓴᒧᑦ ᐅᖃᐅᑎᒋᔭᐅᓚᐅᖅᑐᒧᑦ ᑕᐅᕙᓂ 2020 ᐅᑭᐊᖅᓵᖓᓂ ᒪᑭᒪᓇᓱᐊᕈᑎᑦ ᐅᖃᐅᑎᒋᔭᐅᓚᐅᖅᑐᒥ. ᐱᓕᕆᒋᐊᕈᑎᒃᓴᖅ ᐃᑲᔪᖅᓱᐃᓂᐋᕐᒪᑦ ᓄᑖᓂᒃ ᓇᔪᖅᑕᐅᖃᑦᑕᕋᔭᖅᑐᓂᒃ ᐊᒻᒪᓗ ᐋᖅᑭᒃᐸᓪᓕᐊᕕᐅᓂᐊᖅᑐᓂᒃ (ᐊᐃᑉᐹᓂ-ᐋᖅᑭᒃᐸᓪᓕᐊᓂᕐᒥ) ᐃᒡᓗᖃᒃᑎᑦᑎᒍᑎᓂᒃ ᐊᓪᓚᓂᒃ, ᐃᓄᓐᓂᒃ ᐊᒻᒪᓗ ᐊᓪᓚᒪᔪᓐᓂᒃ ᐃᓘᓐᓇᓕᒫᖓᓂ ᑲᓇᑕᐅᑉ, ᐱᖃᓯᐅᑎᓗᒋᑦ ᐅᑭᐅᖅᑕᖅᑐᕐᒦᑦᑐᑦ ᐊᒻᒪᓗ ᓄᓇᓕᖃᕐᕕᐅᔪᓃᑦᑐᑦ ᓇᔪᒐᕐᓂ. 

ᑐᓂᓯᕕᐅᒍᓐᓇᖅᓯᒐᔭᕐᓂᖓᓄᑦ ᐱᒋᐊᕕᐅᒍᓐᓇᖅᑐᖅ ᐃᓘᓐᓇᖏᓐᓄᑦ ᐱᒍᓐᓇᖅᑎᑕᐅᔪᓕᒫᓄᑦ ᑲᑎᑕᐅᓯᒪᔪᑦ ᑐᒃᓯᕋᕈᓐᓇᕐᓗᑎᒃ ᑮᓇᐅᔭᖃᒃᑎᑕᐅᒍᒪᓗᑎᒃ ᓇᔪᒐᐅᒐᔭᖅᑐᓄᑦ ᐊᒻᒪᓗ ᐋᖅᑭᒃᐸᓪᓕᐊᕕᐅᒐᔭᕐᓗᑎᒃ ᐃᒡᓗᖃᒃᑎᑦᑎᒍᑎᑦ ᓂᕆᐅᒋᔭᐅᕗᖅ ᒪᑐᐃᕋᔭᖅᑐᕆᔭᐅᓪᓗᓂ ᐱᒋᐊᓕᕋᑖᕐᓂᖓᓂ ᐅᑭᐊᒃᓵᖓᓂ 2021.

ᑲᔪᓯᑦᑎᐊᕐᓂᖓ ᐊᑐᓕᖅᑎᑕᐅᓂᖓᑕ ᓴᕿᑎᑕᐅᓂᖏᓐᓄᑦ ᓇᔪᒐᐅᒐᔭᖅᑐᑦ ᐃᓄᐃᑦ ᐊᕐᓇᖏᓐᓄᑦ ᑕᐃᒫᖑᒍᓐᓇᖅᓯᑎᑕᐅᒐᔭᕐᒪᑦ ᐅᑯᓄᖓ ᑲᓇᑕᓕᒫᒥ ᐱᓕᕆᒋᐊᕐᓂᕐᒧᑦ ᐸᕐᓇᒍᑎᒧᑦ, ᐊᑦᑕᕐᓇᖅᑕᐃᓕᒪᒍᑎᖓ ᐅᓇᐅᓗᓂ ᐊᔪᖏᓐᓂᖅᐹᖅ ᐅᕙᓂ 231 ᐃᖃᒃᑐᐃᕕᒃᑰᕆᐊᖃᓕᖅᑎᑦᑎᓂᖓ

ᑐᔅᓯᕋᐅᑎᓕᐅᕈᒻᒧᑦ ᐊᑐᐊᒐᐃᑦ – ᐃᓄᓐᓄᑦ ᑐᕌᖓᔪᑦ ᕿᒫᕖᑦ

ᐅᑯᐊ ᑐᔅᓯᕋᐅᑎᓕᐅᕈᒻᒧᑦ ᐊᑐᐊᒐᐃᑦ ᐱᑕᖃᖅᑎᑦᑎᓇᓱᐊᖅᑐᑦ ᐃᓕᓐᓄᑦ ᑐᑭᓯᒋᐊᕈᑎᓂᑦ ᐃᑲᔪᕐᓗᑎ ᐱᔭᕇᖅᑕᐅᓂᖓᓄᑦ ᑐᔅᓯᖃᐅᑎᓕᐅᕈᑦ ᑕᑕᑎᕆᐊᓕᒃ, ᐱᒃᑲᓂᕐᓗᑎ ᓇᓗᓇᐃᔭᖅᓯᒪᔪᓂᑦ ᐱᑎᑕᐅᓂᖏᓐᓄᑦ ᐋᖅᑭᑦᑕᐅᓯᒪᔪᓂᑦ ᐊᑐᖅᑕᐅᔪᑦ ᖃᐅᔨᓴᖅᑐᑎ ᑐᔅᓯᕋᐅᑎᓕᐅᕈᑎᓂᑦ, ᐊᒻᒪ ᓇᓗᓇᐃᖅᑐᒋᑦ ᖃᓄᐃᓘᕈᑕᐅᓂᐊᖅᑐᑦ ᐊᑐᖅᑕᐅᓂᐊᖅᑐᑦ ᑲᓇᑕᒥ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᓐ ᐊᒻᒪ ᓄᓇᖃᖅᑳᖅᓯᒪᔪᓕᕆᔨᒃᑯᑦ ᑲᓇᑕᒥ ᐱᕙᓪᓕᐊᓂᖓᒍᑦ.

ᐊᐅᓚᑎᑦᑎᔪᓐᓇᕐᒥᔪᑎᑦ ᐊᐱᖅᑯᑎᓂᑦ ᑲᓇᑕᒥ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᒃᑯᓐᓄᑦ ᑎᑎᖅᑲᒃᑯᕕᖓ

ᐃᑲᔫᑎᒃᓴᒫᓂᒃ ᑭᓇᐅᔭᓂᒃ ᐱᒋᐊᖃᖅᑮᑦ ᑲᒪᑦᔪᑎᒃᓴᓂᒃ ᑕᑕᑎᕆᓕᕐᑎᓪᓗᑎᑦ. ᑭᓇᐅᔭᓂᒃ ᐊᑐᐃᓐᓇᕐᑕᖃᖅᑐᖅ. ᐅᓇ ᓇᕿᓪᓗᒍ ᑐᑭᓯᒋᐊᕈᑎᒃᓴᓂᒃ.

Download Application Guide

ᐊᐱᖅᑯᑏᑦ ᐊᒻᒪ ᑭᐅᔾᔪᑏᑦ

Eligibility

ᑮᓇᐅᔭᑎᒍ ᐃᑲᔪᖅᑕᐅᒍᑎ

ᐃᓚᒋᔭᐅᖃᓯᐅᑎᔪᑦ ᑲᓱᖅᓯᒪᓂᖏᓐᓄᑦ

ᖃᐅᔨᓇᓱᐊᕐᓃᑦ

ᑐᒃᓯᕋᐅᑎᒋᔭᐅᔪᑦ ᐱᓕᕆᐊᖑᓂᖏᑦ