Select Page

ᐸᐅᑦᑑᑎᒃᑯᑦ ᐃᓄᐃᑦ ᐊᕐᓇᓄᑦ ᑲᓇᑕᒥ, ᒪᒥᐊᓪᓚᕆᑉᐳᑦ ᐃᓚᒌᓐᓄᑦ ᓯᓚᑎᒃ ᖃᕝᕕᑯᓐᓄᑦ, ᓴᓂᑭᓗᐊᕐᒥ, ᐃᓅᒍᓐᓃᓚᐅᕐᓂᖓᓐᓄᑦ.

ᐊᓈᓇᐅᓪᓗᓂ ᑕᓪᓕᒪᓄᑦ ᓱᕈᓯᕐᓄᑦ, ᓯᓚᑎᒃ ᖃᕝᕕᒃ ᐃᓅᒍᓐᓃᓚᐅᖅᑐᖅ, ᐅᑭᐅᖃᖅᑐᓂ 35−ᓂᒃ, ᓇᓗᓇᕈᓐᓃᑲᓐᓂᓚᐅᖅᑐᖅ ᐃᕐᓂᓱᖅᓰᔨᑦᑕᖃᕆᐊᖃᕐᓂᖏᓐᓂ ᓄᓇᓕᓕᒫᓂᒃ ᐃᓄᐃ ᓄᓇᖓᓐᓂ, ᐃᕐᓂᓱᖅᓰᕕᖃᕐᓗᑎᑦ ᐊᑐᓂ ᓄᓇᓕᓐᓂᑦ.

ᐊᑐᓂ ᐃᓄᐃᑦ ᐊᕐᓇᐃᑦ ᐊᑦᑕᓇᓐᖏᑦᑎᐊᖅᑐᒥᑦ ᐊᑲᕐᕆᔮᑦᑎᐊᕐᓗᑎᑦ ᓇᔾᔨᒋᐊᓖᑦ, ᐃᕐᓂᓗᑎᒃ ᑭᖑᓂᖓᓂᓗ ᐱᓯᒪᔭᐅᑦᑎᐊᕐᓗᑎᑦ, ᐊᖏᕐᕋᒥᓂᒃ ᐊᐅᓪᓚᖃᑦᑕᕆᐊᖃᓐᖏᑦᑑᒐᓗᐊᑦ ᐃᑲᔪᖅᑐᖅᑕᐅᓂᖅᓴᐅᓲᖑᒻᒪᑕ ᓄᓇᖓᓐᓂ. 

ᖃᕝᕕᒃ ᐃᓅᒍᓐᓃᓚᐅᖅᑐᖅ ᐅᐃᓂᐹᒻᒥ ᐋᓐᓂᐊᕕᖓᓐᓂ, ᓄᕙᔾᔪᐊᕐᓇᖃᕐᓂᕋᖅᑕᐅᓚᐅᖅᑎᓪᓗᒍ. ᐅᐃᓂᐹᒨᓚᐅᖅᓯᒪᔪᖅ ᓅᕖᑉᐱᕆᒥ, ᐃᕐᓂᕋᑖᖅᑐᓂ ᐸᓂᑦᑖᕋᑖᖅᑐᓂ.

ᑕᒪᓐᓇ ᐊᓐᓂᓇᕐᒪᕆᑦᑐᖅ ᑕᐃᒪᐃᑦᑐᒥᓂᖅ, ᒪᓕᒐᔅᓴᒥᑦ 15−ᒥᑦ ᑲᔪᓯᑎᑦᑎᒋᐊᖃᓕᖅᑐᑦ, ᓯᓚᕐᔪᐊᒥ ᑲᑐᔾᔨᔩᑦ ᓇᓗᓇᐃᖅᓯᓗᑎᑦ ᐱᔪᓐᓇᐅᑎᖃᕐᓂᖏᓐᓂ ᓄᓇᖃᖅᑳᖅᑐᒥᓃᑦ ᐱᖁᔭᖏᑦ ᒪᓕᑦᑐᒋᑦ, ᓯᕗᓂᖓᓂ ᒪᓕᒐᓕᐅᕐᕕᔾᔪᐊᕐᒥ. ᑖᓐᓇ ᒪᓕᒐᖅ ᓇᓗᓇᐃᖅᓯᔾᔪᑕᐅᒐᔭᖅᑐᖅ ᐱᔭᕆᐊᖃᖅᑐᓂᑦ ᐃᑉᐱᒍᓱᑦᑎᐊᕈᓐᓇᖁᓪᓗᒋᓪᓗ ᐃᓄᐃᑦ, ᐋᓐᓂᐊᖅᑕᐃᓕᒪᔪᓕᕆᓂᕐᒥᑦ ᐱᔨᑦᑎᖅᑕᐅᑦᑎᐊᕐᓗᑎᑦ, ᐱᖅᑯᓯᑦᑎᓂᓪᓗ, ᐅᖃᐅᓯᑦᑎᓐᓂ ᐃᓕᓐᓂᐊᖅᑐᓕᕆᓂᕐᒥᓪᓗ.

Share This