Select Page

ᐊᖓᔪᖅᑳᖅ ᐸᐅᒃᑑᑏᑦ ᑲᓇᑕᒥᑦ ᐊᕐᓇᓄᑦ ᐃᓅᔪᓄᑦ (PIWC), ᕈᐃᐱᑲ ᑲᓪᓗᒃ, ᐅᑉᓗᒥ ᓴᖅᑭᑦᑎᖅᑲᐅᔪᖅ ᐅᑯᓂᙵᑦ ᑎᑎᖅᑲᓂᒃ ᕿᒫᕝᕕᐅᑉ ᒥᒃᓵᓄᑦ ᑐᓴᖅᑎᑦᑎᓂᖅ: 

“ᐅᑉᓗᒥ ᕿᒫᕝᕕᐅᑉ ᒥᒃᓵᓄᑦ ᑐᓴᖅᑎᑦᑎᓂᖓᑦ ᒐᕙᒪᑐᖃᒃᑯᑦ ᓱᓇᓂᒃ ᖃᓄᐃᓕᐅᕈᑎᖃᕐᓂᐊᕐᓂᖏᑦ ᖃᓄᐃᑦᑑᓂᐊᓂᐊᕐᒪᖔᑦ ᑐᑭᖃᖅᑐᒃᑯᑦ ᐋᖅᑭᖃᑎᒌᖕᓂᖃᕐᓂᐊᕐᓗᑎᒃ ᐃᓅᔪᑦ ᐊᕐᓇᓄᑦ.

“ᐊᕐᕌᓂ, ᐸᐅᒃᑑᑎᒃᑯᑦ ᑲᑎᖃᑎᖃᓚᐅᖅᑐᑦ ᒐᕙᒪᒃᑐᖃᒃᑯᑦ ᒥᓂᔅᑕᖏᓐᓂᒃ, ᐅᑯᐊᖑᑉᓗᑎᒃ ᒥᓂᔅᑕ ᒥᓗ, ᒥᓂᔅᑕ ᕚᓐᑕᓪ, ᒥᓂᔅᑕ ᐱᐊᓇᑦ, ᒥᓂᔅᑕ ᒥᑭᐊᓇ, ᒥᓂᔅᑕ ᒫᓯᐊᕝ ᐊᒻᒪᓗ ᒥᓂᔅᑕ ᕗᐊᑎᔩ ᑲᒪᓂᐊᕐᓗᑎᒃ ᐱᒥᒻᒪᕆᐅᔪᓂᒃ ᐅᓗᕆᐊᓇᖅᑐᖃᙱᑎᓐᓂᕐᒧᑦ ᐊᒻᒪᓗ ᖃᓄᐃᖏᑦᑎᐊᕐᓂᖏᓐᓄᑦ ᐊᕐᓇᐃᑦ ᐊᒻᒪᓗ ᓄᑕᖅᑲᐃᑦ.

“ᑲᑎᒪᓂᕐᓂᑦ, ᐅᖃᐅᑎᓚᐅᖅᑕᕗᑦ ᒥᓂᔅᑕᐃᑦ ᓯᕗᓪᓕᖅᐸᐅᑎᔪᒪᓛᕆᔭᑉᑎᖕᓂᑦ ᕿᒫᕝᕕᖕᓄᑦ ᐊᕐᓇᓄᑦ ᐊᒻᒪᓗ ᓄᑕᖅᑲᓄᑦ — ᐊᑕᐅᓯᕐᒥᒃ ᐊᑐᓂ ᐊᕕᒃᑐᖅᓯᒪᔪᓂᑦ ᐃᓅᔪᑦ ᓄᓇᖓᓂᑦ ᐊᒻᒪᓗ ᐊᑕᐅᓯᕐᒥᑦ ᐋᑐᕚᒥᑦ, ᑖᒻᓇ ᐊᒥᓲᓛᓂᒃ ᐃᓅᔪᓂᒃ ᐃᓄᖃᐅᖅᑐᖅ ᑲᓇᑕᒥᑦ.

“ᒥᓂᔅᑕᐃᑦ ᐃᓚᐅᓚᐅᖅᑐᑦ ᐊᒻᒪᓗ ᓈᓚᑦᑎᐊᖅᖢᑎᒃ ᓂᐱᖏᓐᓂᑦ ᐃᓅᔪᑦ ᐊᕐᓇᐃᑦ. ᐅᖃᖅᖢᑎᒃ ᐃᓕᑕᖅᓯᔪᑦ ᖃᓄᐃᓕᐅᕈᑎᖃᒃᑲᓐᓂᕆᐊᖃᕐᒪᑕ ᐊᒻᒪᓗ ᐃᑲᔪᖅᑐᖅᖢᑎᒃ ᐸᐅᒃᑑᑎᒃᑯᑦ ᑐᒃᓯᕋᖅᑕᖏᓐᓂᒃ ᑮᓇᐅᔭᓂᒃ ᕿᒫᕝᕕᖕᓄᑦ.  ᐅᑉᓗᒥ, ᐱᑦᑕᐅᔪᓂᒃ ᐅᖃᐅᓯᖃᓚᐅᖅᑐᑦ ᐊᒻᒪᓗ ᐱᓕᕆᐊᕆᑉᓗᒍ. 

“ᑐᓴᒐᒃᓴᖅ ᐱᓕᕆᐊᖃᖅᑐᖅ ᑮᓇᐅᔭᖃᖅᑎᑕᐅᖏᓐᓂᓗᐊᖑᔪᒥᑦ ᑕᐃᒪᐅᖏᓐᓇᖅᑐᒥᒃ ᐊᒥᓱᓄᑦ ᐅᑭᐅᓄᑦ ᐃᓅᔪᓄᑦ ᐊᕐᓇᓄᑦ.

“ᐸᐅᒃᑑᑎᒃᑯᑦ ᖁᕕᐊᓱᓗᐊᖅᑐᑦ ᐱᑕᖃᕐᓂᐊᕐᓂᖓᓄᑦ ᐊᑯᓂᐅᔪᒥᑦ ᐊᐅᓛᖅᑎᑦᑎᓂᕐᒧᑦ ᑮᓇᐅᔭᖃᖅᑎᑕᐅᔪᓂᒃ ᓄᑖᑦ ᕿᒫᕝᕕᖕᓄᑦ ᐃᓚᐅᓚᐅᕐᒪᑦ ᑐᓴᒐᒃᓴᒥᑦ.  ᑕᐃᒪᓐᓇ ᕿᒫᕝᕕᖕᓂᑦ ᐊᐅᓛᖅᑎᑦᑎᓂᖃᑦᑎᐊᕐᓂᐊᖅᑐᖅ ᐅᑭᐅᒐᓴᖕᓄᑦ ᖃᐃᔪᓂᑦ ᐊᒻᒪᓗ ᒪᒥᓴᕐᓂᕐᒧᑦ ᐊᓯᖏᓐᓄᓪᓗ ᑐᕌᖓᔪᓄᑦ — ᐋᖅᑭᐅᒪᔪᖅ ᐊᒻᒪᓗ ᐃᓅᔪᓂᑦ ᐱᓕᕆᐊᖑᔪᖅ, ᐃᓅᔪᓄᑦ — ᑕᐃᒪᐅᓂᐊᖅᑐᖅ ᐊᕐᓇᓄᑦ ᐊᒻᒪᓗ ᓄᑕᖅᑲᓄᑦ ᐊᑐᕆᐊᖃᖅᑐᓄᑦ.

“ᐸᐅᒃᑑᑎᒃᑯᑦ ᓇᓚᐅᑦᑖᖅᑕᖏᑦ ᓴᓇᔭᐅᓂᖏᓐᓄᑦ ᑕᓪᓕᒪᐃᑦ ᕿᒫᕝᕖᑦ ᑮᓇᐅᔭᖅ $20 ᒥᓕᔭᓐ-ᓗᐊᖑᓂᐊᖅᑐᖅ. ᑮᓇᐅᔭᖅ ᓯᕗᓂᐊᒍᑦ ᐊᑭᓕᐅᑕᐅᔪᖅ ᐱᑖᖑᔪᓄᑦ ᑕᐃᒪᐅᓂᐊᖅᑐᑦ ᐃᒃᐱᒍᓱᒡᕕᒋᓂᐊᕐᓗᒋᑦ ᐃᓄᖕᓄᑦ ᐱᔪᖕᓇᐅᑏᑦ ᐃᓅᔪᓄᑦ ᐊᕐᓇᓄᑦ, ᐃᓚᐅᑉᓗᑎᒃ ᐱᔪᖕᓇᐅᑎᖃᕐᓂᖅ ᐅᓗᕆᐊᓇᖅᑐᒦᙱᓪᓗᑎᒃ ᐊᒻᒪᓗ ᒥᐊᓂᕆᔭᐅᓗᓂ ᐃᓄᖓᑦ.

“ᐸᐅᒃᑑᑎᒃᑯᑦ ᓂᕆᐅᒃᑐᑦ ᐱᓕᕆᖃᑎᒋᓂᐊᕐᓗᒋᑦ ᐃᓄᐃᑦ ᓄᓇᖓᓂᑦ ᐱᓕᕆᖃᑎᕗᑦ, ᐊᒻᒪᓗ ᐃᓅᔪᑦ ᐱᓕᕆᖃᑎᒌᖑᔪᑦ ᐋᑐᕚᒥᑦ, ᐱᕙᓪᓕᐊᑎᑦᑎᖃᑕᐅᓂᐊᕐᓗᑎᒃ ᑐᒃᓯᕋᐅᑕᐅᔪᑦ ᕿᒫᕝᕕᖕᓄᑦ ᐱᔭᐅᔭᕆᐊᖃᒻᒪᕆᒃᑐᑦ ᐊᒻᒪᓗ ᓇᓗᓇᙱᑦᑐᖅ ᐊᓐᓇᖕᓂᐊᖅᑐᑦ ᐃᓅᓯᕐᓂᑦ.

— ᕈᐃᐱᑲ ᑲᓪᓗᒃ

ᐸᒃᐅᒃᑑᑎᒃᑯᑦ ᑲᓇᑕᒥᑦ ᐱᕈᐃᑎᑦᑎᓂᖃᙱᖦᖢᑎᒃ ᐱᓕᕆᖃᑎᒌᖑᔪᑦ ᑭᒡᒐᖅᑐᖅᖢᒋᑦ ᐃᓅᔪᑦ ᐊᕐᓇᓗᒃᑖᑦ ᑲᓇᑕᒥᑦ.  ᐱᔭᒃᓴᕆᔭᖓᑦ ᐅᔾᔨᕆᔭᖃᕐᓂᖅᓴᐅᓗᑎᒃ ᐱᔭᕆᐊᖃᖅᑕᖏᓐᓂᒃ ᐃᓅᔪᑦ ᐊᕐᓇᐃᑦ, ᐃᑲᔪᖅᑐᕐᓗᒋᑦ ᐃᓚᐅᓂᖏᑦ ᓄᓇᓕᖕᒥᑦ, ᐊᕕᒃᑐᖅᓯᒪᔪᒥᑦ ᐊᒻᒪᓗ ᑲᓇᑕᒥᑦ ᐃᓱᒫᓘᑕᐅᔪᓂᑦ ᐃᓄᓕᕆᓂᕐᒧᑦ, ᐱᖅᑯᓯᕐᒥᒃ ᐊᒻᒪᓗ ᐱᕈᖅᐸᓪᓕᐊᓂᕐᒧᑦ ᐱᕙᓪᓕᐊᓂᕐᒥᒃ.

ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᔪᒪᒍᕕᑦ, ᖃᐅᔨᒋᐊᕐᕕᒋᓗᒍ:

ᓲᓴᓐ ᑭᖕ, sking@pauktuutit.ca, 613-724-1518

Share This