English version is available here.
ᐅᖃᖅᑕᖏᑦ ᐸᐅᒃᑑᑎᒃᑯᑦ ᐊᖓᔪᖅᑲᖓᑕ, ᕈᐃᐱᑲ ᑲᓪᓗᒃ, ᐊᑎᓕᐅᖅᑕᐅᑎᓪᓗᒍ ᐱᓇᓱᖃᑎᒌᓐᓂᖅ* ᐊᖏᖃᑎᒌᒍᑎ ᐳᑭᖅᑕᓕᖕᓄᑦ
“ᐸᐅᒃᑑᑏᑦ ᑲᓇᑕᒥᑦ ᐊᕐᓇᓄᑦ ᐃᓅᔪᓄᑦ ᑐᙵᓱᒃᑎᑦᑎᔪᑦ ᓴᖅᑭᑦᑎᓂᐊᕐᓗᑎᒃ ᐱᓕᕆᖃᑎᒌᖕᓂᕐᒥᑦ ᐳᑭᖅᑕᓕᖕᓂᑦ (RCMP) ᐊᑎᓕᐅᖅᖢᒍ ᐊᖏᖃᑎᒌᒍᑎ ᐱᐅᓯᒋᐊᖅᓯᓂᐊᖅᑐᖅ ᒥᐊᓂᕆᔭᐅᓂᖏᑦ ᐃᓅᔪᑦ ᐊᕐᓇᐃᑦ, ᓄᑕᖅᑲᐃᑦ ᐊᒻᒪᓗ ᐊᖑᑎᐅᓂᖓᓄᑦ ᐊᕐᓇᐅᓂᖓᓄᑦ ᐱᔾᔪᑎᖃᖅᑐᓄᑦ ᐃᓄᖕᓂᒃ.”
“ᐊᖑᑎᐅᓂᖓᓄᑦ ᐊᕐᓇᐅᓂᖓᓄᑦ -ᐅᓇᑕᖃᑦᑕᕐᓃᑦ ᐱᔭᐅᓗᐊᕐᓂᖅᓴᐅᔪᒃᑯᑦ ᐱᑦᑎᐊᖏᑕᐅᖃᑦᑕᖅᑐᑦ ᑲᓇᑕᓗᒃᑖᒥᑦᓄᓇᖃᖅᑳᖅᑐᑦ ᐊᕐᓇᐃᑦ, ᐊᒻᒪᓗ ᐃᓅᔪᑦ ᐊᕐᓇᐃᑦ ᐊᒻᒪᓗ ᓄᑕᖅᑲᐃᑦ ᐱᓗᐊᖅᑐᒥᑦ. ᐊᕐᓇᐃᑦ ᓄᓇᕗᒻᒥᑦ, ᐆᒃᑑᑎᒋᓗᒍ, ᐱᑦᑎᐊᖅᑕᐅᖃᑦᑕᙱᑦᑐᑦ 13-ᖏᖅᑕᖅᑐᒥᒃ ᐊᒥᓲᓂᖅᓴᐅᔪᓂᒃ ᑲᓇᑕᒥᑦ ᐃᓗᐃᑦᑑᖓᑉᓗᒍ ᐊᕐᓇᓂᐅᖓᓂᑦ.“
“ᐃᓄᒃᑎᑐᑦ ᑐᑭᖓ ᐱᓕᕆᖃᑎᒌᖕᓂᖅ, ᓈᒻᒪᒃᑐᖅ ᐊᑎᕆᓗᓂᐅᒃ ᐊᖏᖃᑎᒌᒍᑎᓕᐊᖑᔫᑉ, ᐱᙳᖅᑎᑕᐅᔪᖅ ᐋᖅᑭᖃᑎᒌᖕᓂᕐᒧᑦ ᑐᕌᒐᖃᖅᖢᑎᒃ: ᑐᐊᕕᓇᖅᑐᒃᑯᑦ ᖃᓄᐃᓕᐅᕈᑕᐅᔭᕆᐊᓕᒃ ᑐᑭᖃᖅᑐᒃᑯᑦ, ᐊᓯᐊᙳᖅᓯᓂᐊᖅᑐᖅ ᐱᖅᑯᓯᕆᔭᐅᔪᒃᑯᑦ ᖃᐅᔨᒪᔭᐅᓂᖓ ᐊᒻᒪᓗ ᐋᓐᓂᖅᑕᐅᓯᒪᔪᓂᒃ ᖃᐅᔨᒪᓗᑎᒃ ᐳᑭᖅᑕᓖᑦ ᑲᒪᔭᖃᖅᑎᓪᓗᒋᑦ ᓄᓇᖃᖅᑳᖅᑐᑦ ᓄᓇᓕᖕᓂᑦ ᑲᓇᑕᓗᒃᑖᕐᒥᑦ.”
“ᒪᓕᒐᒃᑰᕐᓂᖅ ᐊᑐᖅᑐᖅ ᑕᒪᐃᓐᓂᑦ ᑕᑎᖃᕐᓂᕐᒥᒃ ᑕᑯᒃᓴᐅᑎᑦᑎᓂᒃᑯᑦ ᐊᒻᒪᓗ ᐅᒃᑯᐃᖓᔪᒥᒃ ᑐᓴᐅᒪᖃᑦᑕᐅᑎᓕᕆᓂᕐᒥᒃ, ᐊᑕᐅᓯᕐᒥᒃ ᑐᕌᒐᖃᖅᖢᓂ ᒥᒃᖠᒋᐊᖅᑎᑦᑐᒪᑉᓗᒍ ᐋᓐᓂᖅᑐᖅᑕᐅᖃᑦᑕᕐᓂᖏᑦ ᐃᓅᔪᑦ ᐊᕐᓇᐃᑦ, ᓄᑕᖅᑲᐃᑦ ᐊᒻᒪᓗ ᐊᖑᑎᐅᓂᖓᓄᑦ ᐊᕐᓇᐅᓂᖓᓄᑦ ᐱᔾᔪᑎᖃᖅᑐᓄᑦ ᐃᓄᖕᓂᒃ ᐃᓚᐅᑎᑦᑎᓂᒃᑯᑦ, ᐃᒃᐱᖕᓇᖅᑐᒃᑯᑦ ᐊᒻᒪᓗ ᐱᖅᑯᓯᕆᔭᐅᔪᒃᑯᑦ ᐅᐸᓗᐊᓂᕐᒥᒃ ᐳᑭᖅᑕᓖᑦ ᐱᔨᑦᑎᕋᐃᓂᖏᓐᓂᑦ. ”
“ᐊᖏᖃᑎᒌᒍᑎ ᐃᑲᔪᖅᑐᖅ ᐱᕙᓪᓕᐊᓂᕐᒥᒃ ᑐᐊᕕᓇᖅᑐᖅ-ᐱᔭᐅᔭᕆᐊᓕᖕᒧᐊᕐᓗᑎᒃ ᐳᑭᖅᑕᓖᑦ ᐊᑐᖃᑦᑕᖅᑕᖏᓐᓂᑦ ᐃᓄᐃᑦ ᓄᓇᖓᓂᑦ. ᐳᑭᖅᑕᓖᑦ ᐅᐸᓗᐊᔪᖕᓇᖅᓯᓂᐊᖅᑐᑦ ᐊᑑᑎᖃᕐᓂᒃᑯᑦ ᐅᓇᑕᕐᓂᐅᔪᓄᑦ ᐊᑐᓕᕐᓗᒍ ‘ᐃᓂᓕᐅᖅᑕᐅᓯᒪᔪᖕᓃᖅᑎᑦᑎᓂᖅ’ ᐃᑲᔪᖅᑐᖅ ᐳᑭᖅᑕᓕᖕᓂᒃ ᓯᓚᑖᓂᙶᕐᓗᑎᒃ ᐃᓚᓕᐅᑎᓯᒪᖃᑕᐅᓕᕐᓂᖏᓐᓄᑦ ᐅᑭᐅᖅᑕᖅᑐᒥᑦ ᓄᓇᓕᖕᓂᑦ ᐱᔨᑦᑎᕋᐃᕝᕕᒋᔭᖏᓐᓂᑦ.”
“ᐋᖅᑭᒃᓯᒪᔪᖅ ᐃᓄᖕᓂᒃ ᐊᔾᔨᐅᖏᑎᑦᑎᓂᖅ ᓱᓕᔫᔪᖅ ᐃᓅᔪᑦ ᐊᕐᓇᐃᑦ ᐊᑐᖃᑦᑕᖅᓯᒪᔭᖏᑦ ᐳᑭᖅᑕᓕᖕᓂᑦ. ᐆᒃᑑᑎᒋᓗᒍ, ᐃᓅᔪᑦ ᐊᕐᓇᐃᑦ ᐅᓇᑕᖅᑕᐅᖃᑦᑕᖅᓯᒪᔪᑦ ᐱᑦᑕᐅᖏᑕᐅᒃᑲᓐᓂᖅᑐᑎᑐᑦ ᐃᒃᐱᒍᓱᖃᑦᑕᖅᑐᑦ ᐃᖅᑲᖅᑐᐃᔪᓕᕆᓂᕐᒧᐊᖅᐸᑕ, ᐅᖃᐅᓯᕆᔪᖕᓇᓚᐅᖅᑳᖅᑎᓪᓗᒋᑦ ᐱᑦᑎᐊᖏᑕᐅᓂᖏᑦ.”
“ᐸᐅᒃᑑᑎᒃᑯᑦ ᐱᒋᐊᕈᒪᓂᖃᖅᑐᑦ ᐊᓯᐊᙳᖅᑐᒥᒃ ᓄᓇᓕᖕᒥᑦ-ᑲᒪᔭᐅᓗᑎᒃ ᐊᒻᒪᓗ ᐊᔪᕈᖕᓃᓴᖅᑕᐅᑦᑎᐊᒃᑲᓐᓂᕐᓗᑎᒃ ᐳᑭᖅᑕᓖᑦ.
ᑕᒪᒃᑯᐊ ᓯᕗᒻᒧᒃᑎᑦᑎᓂᐊᖅᑐᑦ ᐸᐅᒃᑑᑎᒃᑯᑦ 15 ᐊᑐᐊᒐᓄᑦ ᐃᒪᓐᓈᖅᑑᑎᖏᓐᓂᒃ ᐱᐅᓯᒋᐊᖅᓯᓂᐊᖅᑐᑦ ᐊᑦᑕᕐᓇᖅᑐᒦᙱᓐᓂᖏᑦ ᐊᒻᒪᓗ ᒥᐊᓂᕆᔭᐅᓂᖏᑦ ᐃᓅᔪᑦ ᐊᕐᓇᐃᑦ (ᑕᖅᑮᓐᓇᕐᔪᐊᖅ (ᔭᓄᐊᕆ) 2020 ᐅᓂᑉᑳᒥᑦ ᓵᙵᔭᖃᓐᓂᖅ ᐊᐃᑉᐸᒥᓄᑦᓂᖓᐃᔭᖅᑕᐅᓲᖏᓂᖏᓄᑦ ᐃᓄᐃᑦ ᐊᕐᓇᖏᑦ: ᕿᒥᕐᕈᔭᐅᓂᖏᑦ ᐸᓖᓯᒃᑯᑦ ᐊᑐᐊᒐᖏᑦ ᐃᓕᖅᑯᓯᕆᓲᖏᓪᓗ ᑕᒪᒃᑯᓄᖓ ᐃᓄᐃᑦᓄᓇᖓᑕ ᐃᓄᐊᓂ).”
“ᐸᐅᒃᑑᑎᒃᑯᑦ ᓂᕆᐅᒃᑐᑦ ᐱᓕᕆᖃᑎᒋᓂᐊᕐᓗᒋᑦ ᐳᑭᖅᑕᓖᑦ ᐱᐅᓯᒋᐊᕐᓂᐊᕐᓗᒍ ᐅᓗᕆᐊᓇᖅᑐᖃᙱᓐᓂᕐᒦᓐᓂᖏᑦ ᐊᒻᒪᓗ ᒥᐊᓂᕆᔭᐅᓂᖏᑦ ᐃᓅᔪᑦ ᐊᕐᓇᐃᑦ, ᐃᓚᐅᑉᓗᑎᒃ ᖃᐅᔨᑎᑦᑎᓂᐊᕌᖓᑕ ᐳᑭᖅᑕᓕᖕᓂᑦ ᐱᔨᑦᑎᕋᐃᑎᑕᐅᔪᑦ ᑖᑉᑯᓂᙵᑦ ᐊᒻᒪᓗ ᒥᐊᓂᕆᑎᑕᐅᑉᓗᑎᒃ.”
“ᐸᐅᒃᑑᑎᒃᑯᑦ ᖃᐅᔨᓴᐃᓂᐊᕐᒥᔪᑦ ᐊᒻᒪᓗ ᐅᑉᓗᒥᒨᓕᖅᑐᖃᑦᑕᕐᓗᒋᑦ ᐃᓄᐃᑦ, ᐊᒻᒪᓗ ᑲᓇᑕᒥᐅᑕᐃᑦ ᐊᑐᖃᑕᐅᔪᑦ ᐋᖅᑭᖃᑎᒌᖕᓂᐊᕐᓂᕐᒥᑦ, ᐱᕙᓪᓕᐊᓂᖏᓐᓂᒃ ᐳᑭᖅᑕᓖᑦ ᐱᐅᓯᒋᐊᖅᑎᓐᓂᐊᕐᓗᒋᑦ ᐊᑐᐊᒐᖏᑦ ᐊᒃᑐᖅᓯᓂᖃᖅᑐᑦ ᐃᓅᔪᑦ ᐊᕐᓇᓂᑦ.”
— ᕈᐃᐱᑲ ᑲᓪᓗᒃ
ᐸᒃᐅᒃᑑᑎᒃᑯᑦ ᑲᓇᑕᒥᑦ ᐱᕈᐃᑎᑦᑎᓂᖃᙱᖦᖢᑎᒃ ᐱᓕᕆᖃᑎᒌᖑᔪᑦ ᑭᒡᒐᖅᑐᖅᖢᒋᑦ ᐃᓅᔪᑦ ᐊᕐᓇᓗᒃᑖᑦ ᑲᓇᑕᒥᑦ. ᐱᔭᒃᓴᕆᔭᖓᑦ ᐅᔾᔨᕆᔭᖃᕐᓂᖅᓴᐅᓗᑎᒃ ᐱᔭᕆᐊᖃᖅᑕᖏᓐᓂᒃ ᐃᓅᔪᑦ ᐊᕐᓇᐃᑦ, ᐃᑲᔪᖅᑐᕐᓗᒋᑦ ᐃᓚᐅᓂᖏᑦ ᓄᓇᓕᖕᒥᑦ, ᐊᕕᒃᑐᖅᓯᒪᔪᒥᑦ ᐊᒻᒪᓗ ᑲᓇᑕᒥᑦ ᐃᓱᒫᓘᑕᐅᔪᓂᑦ ᐃᓄᓕᕆᓂᕐᒧᑦ, ᐱᖅᑯᓯᕐᒥᒃ ᐊᒻᒪᓗ ᐱᕈᖅᐸᓪᓕᐊᓂᕐᒧᑦ ᐱᕙᓪᓕᐊᓂᕐᒥᒃ.
ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᔪᒪᒍᕕᑦ, ᖃᐅᔨᒋᐊᕐᕕᒋᓗᒍ:
ᓲᓴᓐ ᑭᖕ, sking@pauktuutit.ca, 613-724-1518